طيبت جرحي وبقيت دلوقتي احسن
طيبت جرحي ماأنا لازم أقوم وأكمل
فوقت من حلمي وهقدر اتحمل وأعيش
صدقت الحقيقة بجرحها واتقبلتها
مرت الأيام والشهور في قسوة
ومقدرتش اتحمل الجرح لوحدي
كانت لحظات الوحدة اصعب من اي وقت فات
بس كان لازم اواجه الحقيقة واتعلم
اتقبلها واصدقها وأكون قادرة على الحياة
بقسوتها وظلمها ولحظات الضعف والأنهزام
اواجه الموقف لوحدي واتكلم مع نفسي
افهم اية اللي حصل وليه كل دا يحصل
واحاول نسيان اللحظات الصعبة وابعد الافكار
السودا عن تفكيري لوجود حاجات تانية منتظرة وجودي جنبها
صراع غريب وصعب عاش جوايا كتير وحاولت ابعد عن كل دا
لأني قدامي حياة جديدة من حقها أني أضحكلها
اديلها أجمل ماعندي وأكون دايمًا احسن
الحزن لسه موجود وعايش جوا دمي
سكن جوايا ومبقدش قادرة على حملوا
بس قدرت اطيب جرحي شوية وبقيت دلوقتي احسن
تجربة مرت وحبيت اتكلم عنها
اخفف من حملي واحتفظ لنفسي بالأسرار وأسباب حزني.
حلوة قوي يا دينا
ردحذفوحشتينا قوي
يااااااه يا دينا...
ردحذفما أحلاها كلمات
وخصوصًا الحزن لسه موجود وعايش جوا دمي
سكن جوايا ومبقدش قادرة على حملوا
ليه بقى الحزن جزء مننا، نخاف عليه ونحس بالغربة من غيره
جميلة قوي. فينك من زمان
ردحذفأنا بقالي كتير أوي مدخلتش على أي blog
ردحذفأولاً حلوة أوي أوي
ثانيًا وحشتينا أوي أوي أوي
ثالثًا مرحبًا بالحياة الجديدة اللي وصلت بالسلامة ومبروك أويييييييييييييييي
رابعًا كان نفسي يبقى في حاجة في إيدنا عشام متحسيش كدة تاني
خلي بالك من نفسك
جميله جدا
ردحذف