مش مستنيه حاجة!!
من كتر ما استنيت تعبت...والوردة ماجتش!
الوردة...؟!
آه وردة أنا كنت مسمياها كدا..حاساها كدا... شايفاها كدا..بس ماجتش خلاص
استنيت كتير ...بس ماجتش...تقريبًا ماعجبتهاش الفازا بتاعتي
لو كانت عرفت أد أية كانت بتستناها...كانت جتلها!
علمتني ازاي ابطل استناها...وانا علمت الفازا ازاي تنساها..!
لو كانت جت كنت هرعاها...كنت هغيرلهامكان الفازا لو معجبهاش...
كنت هغيرلها المية كل يوم...كنت هسأل وهدور أزاي أفضل محافظة عليها.
بيقولوا لو ضفت لمية الورد سكر بتطول في عمرها...أنا معرفش بس
كنت هتأكد من دا ولو حقيقي.... كنت هضيف السكر.
وبعد ما تدبل هحطها جوا كتابي...وكل ما أفرأ كتاب جديد واخلصوا كنت هنقلها معايا ليه...
كنت هنقلها من كتاب لكتاب...أنا بقرأ كتير قوي...أنا كنت هحافظ عليها.
جميلة يا دينا
ردحذفحسيت بيها :)
Mahmoud Salah
ردحذفهاى دينــا, قريت تدوينتــك الاخيـرة ,رغم بساطتها الشديدة وقصرها الا أنى توحدت معها بشدة ,حاسس أنها بتلمس حاجة جوايا , شكرا" كتير دينا
جميلة يا دينا بس انا وردتى جت وانا وهى خلاص بنظبط ازاى نعيش مع بعض بس المشاكل اللى بين كل اتنين غايت لما يفهموا بعض هى اللى بتتعبنى
ردحذف